Komunidad - Ako Ay Filipino

Sa isang interview ng Stranieri in Italia kay Hon. Romulo Salvador, ang konsehal na Pililipino para sa Asya sa Comune di Roma (Consigliere Aggiunto), ay kanyang ipinaliwanag at sinalaysay bilang isang ‘year ender report’ ang kanyang mga naging mga proyekto at mga simulain sa loob ng konseho gayun din  sa mga maiinit na issue sa loob ng ating community.

Bilang Konsehal ng Asya, maaari nyo po bang ihalad ang mga naging projects nyo ngayong taong ito?
Sa taong 2010 hanggang Hunyo, ako ay namumuno bilang presidente ng grupo (Gruppo Consigliare Aggiunto) at halos nadoble ang aking trabaho sa comune dahil bukod sa commission hearings at city council ay napadagdag pa ang party head meetings kung saan pinag uusapan ang parteng politikal ng mga bawat hakbang ng pamunuang lokal. Isang  malaking proyekto ang aking aktibong hinarap; ang Phil. Independence day preparation at ang proyektong Roma Multiculturale na ginanap noong nob.4 hangang dec. 12. Sa ikalawang taon ng promosyon ng multicultural concept ay napagkaisahan namin na i focus ang halos 30 inisyatiba kung saan naging pangunahing karakter ng proyekto ang mga kabataan.
Sa parte ng Asya ay naglunsad kami ng mga sumusunod na gawain:
- film presentation DUKOT
- song writing competition
- convention on social sensitivity among sec. generation
- christmas concert- Karilagan singers
Bukod sa 2 malaking proyekto ay sumuporta  rin ako sa maraming aktibidad ng ating community at maging ng mga ibang community ng Asya.

Ano ang naging sagot ng Filipino Community sa mga proyektong ito? Naging mainit ba ang kanilang partisipasyon?
Sa pagdiriwang ng last Independence day ay umabot sa higit sa 5,000 ang lumahok sa kasiyahan. Masasabing ito ay isang joint community effort at nakatulong din sa pagpapakita ng ating kultura sa mga Italyano. Ang lahat ng mga aktibidad na aking sinimulan o tinulungan ay may positibong reaksyon at partisipasyon ng ating mga kababayan. Maging konbensyon o seminar o mga pagtitipong pang kultura ang ating isinagawa ay makikitang mainit din ang pagtanggap sa atin ng mga italyanong lumahok sa mga ito.

Alam natin na naging napakaliit ng inyong 'budget' sa Comune di Roma, na hinahati hati sa iba't ibang proyekto. Paano nyo hinarap ang mga proyektong para sa Asya?
Alam nating lahat na may kaunting indikasyon sa pagtitipid ang huling bilansyo na naaprubahan ng halos ay anim na buwang huli sa takdang deadline. Tayo ay may kasabihang kapag maliit ang kumot ay matutong mamaluktot. Inapply ko ang kasabihan at nakaraos ang taon na hindi naman tayo nagpahuli sa kahalagahan, kagandahan at kwualidad ng mga gawaing aming inilahad at isinakatuparan.

Anu ano po ang mga proyekto nyo sa pagpasok ng 2011 para sa mga Pilipino?
Sa huling taon ng aming panunungkulan ay susubukan nating makuha ang higit pang partesipasyon ng ibang mga komunidad ng continente sa pamamagitan ng pakikipag ugnayan sa mga ambasyada. Imumungkahi din naming apat na sa loob ng huling taong panunungkulan ay mag bigay ang Roma Capitale ng titolong Honorary citizen sa bawat continente.
Sa ating mga gawain pang komunidad ay tuloy pa rin ang aking pagtulong at suporta sa mga gawaing hawig sa aming mga patakaran tungo sa promusyon ng integrasyon ng mga immigratong naninirahan dito sa siyudad.

Nagkaroon ba ng mga pagbabago sa inyong sitwasyon bilang mga konsehal na estranghero sa Comune di Roma? sa mga Munisipyo?
Isang malaking pagbabago at trabaho na din para sa aming apat ang decreto legge ROMA CAPITALE kung saan mismo ang ating Mayor ang nag utos sa amin na makialam sa pag babago ng pamunuan magmula sa strukutra hanggang sa pasususog sa bagon by laws at normatiba ng  baong pamunuan.

Mainit na isyu pa rin ang Circular 29 o pagtatanggal ng middle name sa mga italian documents ng mga Pilipino, ano po ang inyong masasabi dito?
Ang circolare ministeriale no. 29 kahit ito ay isang batas na buhat sa minitero na may kompetensya sa imigrasyon, ay isang BATAS din ito na dapat sundin. Maring isipin na may maling simula dahil hindi napaalam sa comunity subalit ito ay may higit na importanteng  layunin na mapag isa ang sistema na naging magulo buhat pa noon unang paggamit ng bagong pasaporte batay sa PASSPORT BILL ng 1996. Ang kaguluhan ay naging talamak noong 2004 dahil sa kawalan ng koordinasyon ng mga may katungkulang dala ng gobyerno.  Sa pamamagitan ng cirkular 29 ay magkakaroon na ang gobyerno ng Italya ng pamamaraan ng pagkilala sa mga Pilipinong naninirahan dito na kaugnay at bumabatay din sa sistema ng mga bansa ng EU at tugma rin sa napapanahogn technological o computerized passport identification system na umiiral na sa buong mundo.

Ano po ang inyong maiiwang mensahe sa ating mga kababayan na hanggang ngayon ay hindi mataggap ang Circular 29?
Ako mandin po noong unang malaman ko ang sirkular 29 ay nag apoy sa galit dahil nagawa ko nang idag dag ang middle name ko at ng aking pamilya ngayon ay tatanggalin naman ito ayon sa bagong batas.  Subalit ng makita ko ang kahalagahan nito sa ating matagal na pamumuhay dito sa Italya  ay nasabi kong kailangang makipag tulungan tayo upang maisagawa ang isang sistema na magtutuwid ng isang bagay na maling umiiral sa ating mga dokumento dito. Hinihiling ko sa ating mga kababayan na huwag maalarma ng sobra, sabihin sa akin at sa mga filcom leaders ang mga karanasang may kinalaman sa aplikasyon ng batas at makilahok sa mga meeting for updates hinggil dito. Kami pong mga cosiglieri aggiunti at mga kababayan natin na may kinalaman sa pamunuang lokal ay walang tigil ang pagtutok at pakikialam sa prosesong ito at gagawa po kami ng isang malawakang general assembly tungkol sa nasabing sirkular 29 sa unang mga araw ng Enero 2011.

Ngayong pasko, ano po ang inyong aginaldo sa Pinoy Community?
Ang tanging maiaalay ko ngayon pasko sa ating mga kababayan at maging sa mga dayuhang naninirahan dito sa Roma, ay ang isang walang sawang paglilingkod, pakikilahok at kontrolo narin sa mga gawain ng konseho, sa mga indikasyon politikal ng hunta lalo na at may kinalaman sa imigrasyon at integrasyon, at bukod sa lahat ang aking presensya sa komunidad, kapistahan man o mga pangyayaring hindi inaasahan subalit nakapagbibigkis sa ating pagkakaisa.bumabati narin ako sa lahat ng sumusubaybay sa website na ito ng isang maligayang pasko at masaganang bagong taon sa lahat!
 

 

Masaya at maingay ang pormal na pagbubukas ng 2010 Trevisan International Art o T-I-A “ Creative Energy” exhibit na ginanap sa Castello Estense, Ferrara, Italy.

Sinalubong ng banda ang mga art exhibitors na nagmula pa sa iba’t ibang panig ng mundo kung saan naging mainit din ang pagtanggap ng organizer sa mga artists at mga bisita. Ikinatuwa din ng organizing committee ang pagdalo ng Konsulado ng Pilipinas sa Milan sa pormal na pagbubukas ng exhibit noong nakaraang Oktubre.

Ito ang kauna-unahang pagkakataon na isang Filipino artist ang naimbitahan sa taunang T-I-A  exhibit. Ayon kay  Paola Trevisan, curator/organizer ng T-I-A,  aksidente lang niyang nakita ang website ng Filipino artist na si Maria Pureza Escano ngunit  humanga siya sa istilo ng pagguhit nito.

“I see her website by chance and I was impressed by her style because, even if she works with a kind of figurative, she’s very special, she’s original and it’s very difficult to find it in figurative style, usually it’s a classist style, so I was impressed by her personal style”

Si Escano  na isang self-taught artist ay nagmula sa Sariaya, Quezon.  Nagsimula siya’ng gumuhit  sa edad na siyam matapos makakita ng isang libro ng French impressionists. Naging  inspirasyon nya sa kanyang pagpinta ang magandang kapaligiran at mayaman na kulturang nakagisnan noon kanyang kabataan.

Nagsimula si Escano gumawa ng pangalan sa global art scene  bilang notable figurative at  surreal artist matapos ang phenomenal success  ng dalawang show nito sa kilalang ICO Gallery sa New York noong nakaraang taon.

Para kay Escano, ang pagkakalahok sa “Creative Energy” art exhibit ay hindi lamang isang malaking karangalan kundi isang malaking oportunidad dahil napakahirap umanong pasukin ang European art scene. May mensahe din si Escano sa mga young Filipino artists, “Id like to inspire young filipino artists to work hard for their dreams because if they have faith in themselves and in God and if they worked hard for their dreams, nothing is impossible”  

Bukod  sa paintings, may mga sculptured masterpieces din ang ini-exhibit.
Ang Trevisan International Art na nabuo noong 2003 ay kinabibilangan ng mga magagaling na artists  na taunang naglulunsad ng  exhibit sa Castello Estense sa Ferrara at iba pang dako ng Italya.  Layunin nito na magkaroon ng matatag na inter-active network sa mga miyembrong artists upang pag-isahin ang magkakaibang talento at kultura mula sa iba’t ibang panig ng mundo.

Ngayong taon, apatnapu’t limang artists mula sa iba’t ibang bansa tulad ng New Zealand, Australia, Canada, Bulgaria, Philippines, Hungary, Denmark, Israel, The Netherlands, United States, Norway, Italy, United Kingdom, Cyprus, Belgium, Germany, Austria, Switzerland  at iba pa ang lumahok sa exhibit. ni Zita Baron

Unang pagsali pa lamang ni HONEY MAE GAPO ng Mantova sa larangan ng pagandahan agad niyang nakuha ang korona.  Ang titolong “Miss Philippines-Italy 2010 na handog ng “Socio Culturale and Sport di Firenze” sa pangunguna ni Pres. Pablo Alvarez at Alvin Umahon.  Si Honey Mae ay ipinanganak sa Bulacan sa bayan ng kanyang ina ngunit lumaki at nag aral sa Fiat Lux Academe sa Imus, Cavite hanggang first year high school at dito na sa Italya nagpatuloy ng pag aaral. 

Siya ngayon ay nag aaral ng accountancy o ragioneria sa Montava.  Ang naturang beauty contest ay ginanap noong Septembre 26, 2010 sa Teatro Puccini sa Firenze.  Labing dalawa na nag gagandahan dilag ang lumahok mula sa ibat ibang siyudad ng Italia sila ay sina Alexia Bautista, Connie Lapinid, Dinilyn Lagman, Sheryl Gasic, Honey Mae Gapo, Jasmin Aquino, Lea Chim Cayog, Nalla Valeria Reano, Gretha Bautista, Katherine Hernandez, Katrine Santiago at Leslie Ann Leynes.  Pangunahin bisitang pandangal ay sina Consul General Danilo T. Ibayan at Honorary Consul Dr. Fabio Fanfani, dumalo rin ang ibat ibang  Filipino leaders ng mga community at association sa Tuscana. 

Magagaling at respetado ang mga hurado na kinabibilangan nina Mr. Loenardo Pinon, Katherine Dimaerel, Cesar Calangan, Ms. Abby Barrion at Marvin Caraig.  Nakamit ni Sheryl Gasic ang Best in Gown, Best in Sportwear ay si Dinilyn Lagman, Best in Swimwear si Lea Chim Cayog, Miss Photogenic si Honey Mae Gapo at Miss Close-up Smile at Miss Charity si Katherine Hernandez. 

Puno ng manonood ang Teatro Puccini hanggang sa katapusan ng contest patunay na suporta sa mga kandidata ng mga kamag anak at mga kaibigan na nag bubunyi ng tawagin na ang top five.  Pati mga bisitang Italyano ay masasaya sa nakitang galing, ganda at talino ng mga Pilipina. 

Napasakamay ni Katherine Hernandez ng Modena ang 4th runner-up, si Lea Chim Cayog ng Firenze ang 3rd runner-up, Jasmin Aquino ng Firenze ang 2nd runner-up, Sheryl Gasic ng Prato ang 1st runner-up at ang bagong reyna si Honey Mae Gapo.  “I enjoyed the experience, I have known new friends whom I still talk with even after the competition. I would like to thank my friends and relatives who supported me all through the pageant…I felt the love they have for which I never expected they would give inspite of the distance of Mantova to Firenze, thank you also to the organizers and to my kababayan in Firenze wika ni Honey Mae”.

“Nagpapasalamat ako sa lahat ng Participants sila ay Beauty at Matatalino, sa mga PARENTS sa boong suporta sa kanilang mga anak.  Ang layunin ng proyektong ito ay upang ipamulat sa mga kabataan ang tamang pag uugali at pakikisama sa ating kapwa, tayong mga OFW dito sa Italya ay masasabing masurwete na kahit malayo tayo sa ating BAYAN at abala sa ating mga trabaho ay nagagawa pa rin nating magsama sama sa ganitong okasyon.  Muli ang aking pasasalamat sa mga sumuporta sa Neos Finance, Nerissa Sea Foods, BDO Remittance, RCBC Telemoney, PNB Florence, Cash & Carry Firenze, UMAC Sea Cargo, Mr. Oscar Lopez, Mr. Obet Masicat, Mr. Gil Velasquez, Mr. Cris Buenafe , sa mga host sina Justin Galgana, Willy Punzalan at Olive Sarmiento,sa pag Choreograph ni Romel Tecson at sa Direction ni Alvin Umahon pagtatapos ni Pres. Pablo Alvarez.”  (Argie Gabay – AAP)                                                        

 

Si Krista Mae Kleiner ay ang napili at itinaghal na Bb. Pilipinas 2010 Miss Internarional ginanap sa Araneta Center, Manila.

Sikat na TV personality at Psychology graduate, 20 years old at may taas na five feet and ten and a half inches. Sa edad na 16 maraming nagawa si Krista hindi lamang sa pagiging blackbelt in taekwondo and mastery of nunchucks. Swimming at tennis ang isa sa kaniyang hilig, umaawit din siya, tumutugtog ng piano, sumasayaw ng Latin ballroom, jazz, ballet at hip-hop.

Taunan ang Binibining Pilipinas pageant, isang proyekto ng Binibining Pilipinas Charities, Inc. (BPCI), isang non-stock, non-profit organization na itinatag ni Stella Márquez Araneta. Ang primary instrument ng BPCI ay ang pageant upang maisagawa ang kaniyang misyon sa pagpapalaganap ng kapayapaan at pagmamahal. Nakikinabang sa mga proyekto ng BPCI ang orphans, , indigent families, calamity victims at iba pang mahihirap sa bansang Pilipinas.

 

Tuwing ikalawang Linggo ng Hunyo, ay taunang ginaganap ang celebrasyon ng ating Independence Day sa Piazza Ankara. Sa likod ng taunang tagumpay nito, ay may malaking makinaryong binuo upang maihanda ng maayos ang celebrasyon. Ito ay ang unang unang asosasyon sa pagitan ng Embahada at ng mga Filipino Community heads, ang PIDA o ang Philippine Independence Day Association na nag lalayon, sa pamamagitan ng tulong ng iba’t ibang Committees, na magkaraon ng isang pagdiriwang na gumugunita sa ating nakaraan gayun din ay nag bibigkis sa mga Pilipinong nasa Italya.

Noong nakaraang Huwebes, ika 18 ng Nobyembre ay muling naghalal ng mga bagong officers nito. Si Charisma Coros, bilang Presidente; Lito Viray at Auggie Cruz bilang mga Vice Presidents; Benette Ramirez bilang Secretary; Pye Santos bilang Treasurer;  Jessie Ramirez at Elsa Lim bilang mga Directors at Bark Barin, Ronnie Cararvana, Ernest Fonacier bilang mga Auditors.

Thumbs up naman sa mga naunang officers for a job well done!!!

Pagkakaisa at Pagdadamayan ng Isang Tunay na Komunidad, naging tema ng ika-19 Anibersaryo ng Sentro Pilipino sa Italya, ang Santa Pudenziana Filipino Community

Patimpalak pagandahan ang isa sa mga naging “highlight” ng pagdiriwang ng ika-19 anibersaryo ng pagkakatatag ng Santa Pudenziana Filipino Community sa Italya na naganap noong ika-3 ng Oktubre, taong kasalukuyan sa Basilica di Santa Pudenziana sa Via Urbana sa Roma. 

“Noong una, hindi ako ganoong kasaya nang malaman ko na hahaluan ng beauty contest ang pagdiriwang ng anibersayo ng Santa Pudenziana Filipino Community.” Ito ang naging pambungad na pahayag ng nakatalagang Chaplain para sa Sentro Pilipino, Father Romeo B. Velos sa kanyang welcome remarks.  Sa kanyang pagpapatuloy, kanya ring sinabi na “Pero, nang ako ay paliwanagan ng mga taong simbahan, na ito ay parte na ng tradisyon sa Sentro Pilipino,  at isa ring paraan para lalo pang mapalapit ang mga OFWs sa simbahan, hindi ko na rin tinutulan ang ideya ng paligsahan, bagkus, akin pa itong sinuportahan. 

Isa rin kasi itong paraan para mapanatili ang pagdadamayan at pag-kakaisa ng mga manggagawang Pilipino na kasalukuyang naghahanap-buhay dito sa Italya.”  

Siyam na naggagandahang  kandidata na kumatawan sa siyam na organisasyong bumubuo sa Sentro Pilipino ang naglaban-laban para sa titulong MISS PUDENZIANA 2010: Ms. Theresa Alba (Evangelizer), Ms. Angelica Campo (The Living Tabernacle Charismatic Group), Ms. Arianne Grace Aranzaso (Sta. Cecilia Choir), Ms. Daisy Bayno (Friends of Scalabrinian), Ms. Engracia Gamboa (Commentatore & Lecture Guild), Ms. Jelaine Pigar (Our Lady of Anunciation), Ms. Loida Strada (Karilagan), Ms. Angelica Lopez (Usherettes) at Ms. Pilar Toribio (Mary Immaculate Concepcion). 

Tinanghal na MISS PUDENZIANA 2010 ang kandidata ng grupo ng Usherettes na si Ms. Angelica Lopez na siya ring nakakuha ng Best in Evening Gown sa Long Gown Competition.  Nakamit ng rapresentante ng Evangelizer Group ang first runner-up title, samantalang tinanghal naman na second runner-up si Ms. Jeliane Pigar ng Our Lady of Anunciation. Nakamit ni Ms. Engracia Gamboa ang Miss Friendship Award at dalawang kandidata ang tinangal na Best in Talent, sina Ms. Angelica Campo at Ms. Loida Strada. 
Ang mga naging mga hurado ng patimpalak ay kinabibilangan nina Ms. Isabelita “Beleth” Aquino ng Mabuhay Trading and Services, Ms. Nancy Pantoja, ATN, at Chairman of the Board of Judges ng patimpalak, at ng inyong lingkod.  Naging masaya ang palatuntunan dahil na rin sa presensa nina Mr. Art at Ms. Joy Rabara bilang mga hosts. 

Nakisaya din sa nasabing okasyon ang reigning Miss Pudenziana 2009 na si Ms..Anne Pasqual na siyang naggawad ng korona sa tinanghal na reyna ng Santa Pudenziana swa taong ito. 

Ang lahat ng mga taong dumalo sa patimpalak ay hindi napigilang sumayaw sa inihandang awitin ng Tancio Sisters, sina Hanna Thea at Kristine bilang mga espesyal na panauhin.  Hindi rin naman nagpahuli ang mga iba pang guests tulad ni  Mr. Robert Jacinto sa isang Michael Bubble song number. May halong magic naman habang kumakanta ang gimik ng minsan ng nanalo sa The Singing Soldier Contest ng isang sikat na noon time show sa Pilipinas, si Mr. Ariel Basiniblo. 

Dumalo rin sa koronasyon ang ating Consigliere Aggiunto al Comune di Roma, Mr. Romulo Salvador na naghatid ng mga magagandang balita tungkol sa mga bagong programa ng Comune di Roma para sa ating mga dayuhan. 

Kapansin-pansin ang naging kaayusan ng selebrasyon hanggang sa matapos ang programa, kaya hindi naman nasayang ang pagod sa ginawang preparasyon ng mga coordinators ng Sentro Pilipino sa pangunguna ni Ms. Nelie Mendoza at ng atin mismong pinakamamahal  na Chaplain, Fr. Romeo B. Velos.  Matagumpay na naisakatuparan ang mismong tema ng anibersaryo:  Pagkakaisa at Pagdadamayan ng Isang Tunay na Komunidad.

Maigsing Kasaysayan ng Santa Pudenziana Filipino Community sa Italya

Labingsiyam na taon na ang nakakaraan magmula ng makamit ng libo-libong migranteng Pilipino sa Italya ang pagkakaroon ng isang lugar para magsilbing “point of reference” sa kanilang pangangailangang ispirituwal, moral, sosyal at kultural.  Ito ay naisakatuparan nang ang mismong yumaong Pope John Paul II ay nagbigay ng kautusan kay Cardinal Camillo Ruini na maghanap ng angkop na simbahan na naaayon sa pangangailangan ng mga Pilipino – na magsisilbing “Church for Filipinos.”  Hulyo 10, 1991 nang makatanggap ng tawag ang noong nakatalagang Chaplain para sa Filipino migrants, si Father Remo Bati, SDB mula kay Cardinal Ruini na naghahatid ng isang magandang mensahe. 

Nakahanap na sila ng isang simbahang perpekto para sa pangangailangan ng mga Pilipino sa Italya, ang  BASILICA OF SANTA PUDENZIANA sa Via Urbana, 160.  Nakadikit sa basilikang ito ang Marian Youth Center (Oratorio Mariano) na kinabibilangan ng iba’t-ibang silid, pook palaruan, gymnasium hall at limang palikuran.  Nasa kanang bahagi naman nito ang isang dati ng kumbento.  Sa ibabang bahagi ng basilika matatagpuan ang guard house ng basilika na ngayong ginawang Chaplain’s Office.  

Ang basilika ay malapit sa sentrong istasyon sa Roma na kung saan ang karamihan ng mga migranteng Pilipino ay nagtitipon-tipon tuwing may libre silang panahon.    Napakadali rin itong matagpuan dahil ito ay nasa sentrong bahagi ng Roma.  Isang angkop na lugar para sa Filipino Catholic Chaplaincy, the Church for the Filipinos in Rome. 

Ang sambahayang Pilipino ay lubhang nagpapasalamat sa yumaong Holy Father Pope John Paul II sa pamamagitan ni H.Em. Camillo Cardinal Ruini sa pagpapaunlak nilang magkaroon ng sariling simbahan ang mga Pilipino sa Italya.  Noong Oktubre 6, 1991, isang inagurasyon ang idinaos sa nasabing basilika, ang “Cappellania Cattolica Filippina” na ngayon ay nakaugalian na nating tawaging Sentro Pilipino.  Ang basilika ay binasbasan sa presensa ng ating H.Em. Jose Tomas Cardinal Sanchez, Prefect Emeritus, Congregation for the Clergy.  (Rogel Esguerra Cabigting - AAP)

 

Maituturing na isang napakalaking oportunidad at karangalan ang pagkakaroon ng pagkakataon na makapanayam ang isa sa ating highest-ranking Filipino bishop, His Eminence Jose Cardinal T. Sanchez.  Ang panayam ay naitakda noong Marso 24 sa mismong bahay ng kardinal sa Via Rusticcucci, malapit sa Vatican, sa tulong ng ating Trade and Industry Assistant, Ms. Marie Gumabon-Lami.

Maaaring marami sa ating mga Pilipino ang hindi ganap na nakakakilala kay Cardinal Sanchez.  Isa sa masasabi nating dahilan ay ang pagkakatalaga at pagsisilbi niya sa Vatican sa loob ng  mahigit ng 20 taon.  Siya ay residente na din ng siyudad ng Roma sa mahigit ng dalawang dekada, pero walang alinlangan na siya ay 100% Pilipino, sa katunayan, ang kardinal ay tubong Bicol.

Siya ay ipinanganak sa Catanduanes noong Marso 17, 1920 at naging ganap na pari noong taong 1946.  Siya ay naging Obispo noong 1968 at naging Archbishop of Nueva Segovia nang apat na taon, mula 1982 hanggang 1986.  Taong 1985 nang ipinatawag siya ng Kataas-taasang Pope John Paul II para maging Secretary of the Congregation for the Evangelization of Peoples.  Ang kanyang pagiging kardinal ay malamang na hindi naisakatuparan kung ang una niyang desisyong hindi paunlakan ang imbitasyon ng Papa noong 1985 ang nangibabaw.  Ito ay sa kadahilanang  una niyang naisip na gugulin sa ibang pastoral projects ang perang laan para sa kanyang pagpunta sa Vatican.  Naisip din niyang isumite ang kanyang report sa pamamagitan ng Apostolic Nuncio (Vatican Ambassador sa Manila), ngunit nang kanyang napagtanto na siya na lamang ang tanging Pilipinong Bishop na hindi pa nakakabisita sa Papa, dali-dali siyang nag-empake at lumipad papuntang Roma.

Sa kanyang pulong sa Papa siya ay hinikayat na mamalagi pa sa Roma at buong pusong tanggapin ang posisyong inialok ng Vatican, ang maging Secretary of the Congregation for the Evangelization of Peoples. Hindi man siya ganoong kakumbinse na tanggapin ang posisyon dahil na rin na ang kanyang priyoridad ng mga panahong iyon ay ang mga pastoral projects sa Pilipinas, ito ay kanyang buong puso at walang pag-aalinlangang tinanggap sa kadahilanang ang mga pari at bishops ay duty-bound na laging sundin ang mga kautusan ng Papa.

Ito ay isang napakalaking karangalan para sa kardinal at sa mga Pilipino dahil ang isang sekretarya ng Vatican ay maihahalintulad sa pagiging pangalawang ministro ng gabinete ng pamahalaang Vaticano. Ito rin ang nakapagbigay sa kardinal ng pagkakataong makalibot sa iba’t-ibang parte ng mundo para sa pagpapahayag ng ebanghelyo. Pagkalipas ng tatlong buwan ng kanyang appointment, namalagi na siya sa Roma bilang miyembro ng Roman Curia (the government of Universal Church).

Ang anim na taong eksperyensya bilang sekretarya ng major curial department ng Vatican ang naghubog sa dating Archbishop para maging handa sa pagiging Prefect.  Taong 1991, nang ang Cardinal Innocenti ay dumating na sa kanyang retirement age, ang posisyon niyang Prefect of the Congregation for the Clergy ay ini-appoint ni Pope John Paul II sa dating Archbishop Sanchez.  Buwan ng Hunyo ng nasabing ding taon, si Archbishop Sanchez ay initaas sa College of Cardinals at naging ika-limang Pilipinong bishop na nabigyan ng ganoong kataas na distinksyon ng Vatican.

Hanggang sa mga taong ito, si Cardinal Jose T. Sanchez lamang ang tanging kardinal na Pilipino na humawak ng posisyong secretarial at prefectorial sa Roman Curia.  Umaasa ang kardinal na marami pang paring Pilipino ang mabibigyan ng pagkakataon na ma-appoint sa Vatican sa kadahilanang kung eksperiensya ang pag-uusapan in terms of pastoral at administrative work, maraming Pilipinong pari ang qualified.

Nang ang kardinal ay hiningan ng mensahe para sa mga Pilipinong kasalukuyang namamalagi sa Italya, kanyang binigyan ng diin ang kahalagahan ng Christian faith, aniya “Christian faith gives direction to one’s life.  The Christian family is necessary to preserve the Christian doctrine and the true Christian faith.”
May kaunting pagkadismaya ang kardinal sa pagkaunti ng mga Pilipinong inilulunsad sa pagpapari.

Ang Pilipinas ay nasa ikalawang puwesto sa bilang ng Catholic population sa buong mundo kasunod ng Brazil, pero may mahigit lamang na 9,000 na Pilipino ang inaasahang maging pari sa mga sumusunod pang mga taon. Ang nakita niyang isang malaking dahilan nito ay ang pagkaunti ng mga Catholic schools sa bansa at sa kakulangan din ng mga pagkukunan ng panggugugol ng mga Pilipinong gustong maging pari.  Sa edad na 90, ang Kardinanl ay nasa maayos na kalusugan maliban lamang na mahina na ng kaunti ang kanyang pandinig.  Hindi niya iyon nakikitang sagabal sa kanya pang ibang misyon bilang alagad ng Diyos.  Kung matutuloy ang plano niyang pag-uwi at mamalagi na sa Pilipinas, inaasam niyang gugulin ang natitira pa niyang mga taon para makapag-contribute pa sa bansang sinilangan. Aniya, malaki pa ang maitutulong niya sa mga pastoral projects ng bansa.

Naging mainit ang naging pagtanggap sa amin ni Cardinal Sanchez, kasama na ang dalawang Pilipinang madre na umaalalay sa kardinal. Ang taong aming nakaharap at kinapanayam ay may mahalagang posisyon sa civil protocol.  Siya ay may ranggong katumbas ng mga prinsipe at prinsesa ng mga reigning royal houses sa mga seremonial functions.  Ang panayam ay umikot din sa maraming topics at sa kabila ng kanyang posisyon, kapansin-pansin ang kanyang pagiging casual at pagkamagalang sa pagsagot sa mga katanungan.  Kapansin-pansin din ang kanyang pagiging hospitable at pagkamaaalahanin sa paulit-ulit na pag-alok sa amin na uminom at tumikim ng inihandang merienda.  Hindi ko maaaring makalimutan kung paano niya kami inihatid ni Ms. Lami hanggang sa pintuan ng kanyang tahanan at kung paano niya kami inihatid ng tingin sa aming pagbaba ng palasyo gamit ang elevator ng condominio. 
Mula sa Ako Ay Pilipino, maligayang ika-90ng kaarawan at maraming, maraming salamat, Cardinal Sanchez! (Rogel Esguerra Cabigting)

 

More Articles...