Libangan - Ako Ay Filipino

18
Fri, Aug

Roma - Lubos ang pagdadalamhati ng buong komunidad sa sunod-sunod na trahedyang tumama sa ating Inang bayan. Bagaman tila walang hinto, ay buong-puso at kawak-kamay ang ginagawang inisyatiba ng mga pribado, mga asosasyon, Filipino communities at mga aktibo sa larangan ng lokal na pamahalaan, sa lahat ng paraan upang makapag-bigay tulong sa ating mga kababayang nasalanta ng sunod-sunod na trahedya.

Sa kabila ng patuloy na pagbibigay impormasyon ng media, pagbaha ng tulong internasyunal, patuloy na suportang moral at ispiritwal na ating natatanggap sa araw-araw, buhat sa mga employers, kamag-anak at mga kaibigan, ang tumatagal na panahon ng kawalan ng komunikasyon sa mga lalawigang nahagupit ng bagyo ay patuloy na dumudurog sa puso ng bawat kaanak at kapamilyang nasa Italya. Ang nakakagulat na mabilis na pagtaas sa bilang ng mga nasawi at biktima, ang mga nakakakilabot na mga litrato ng iniwang bagyo ay higit na naghahatid ng maraming katanungan, pangamba at takot. Bukod dito, ang naaantalang pamamahagi ng mga tulong nasyunal at internasyunal sanhi ng mga saradao pang kalsada, kawalan ng koryente at nagkalat pang mga bangkay ang unti-unti naghahatid ng gutom, uhaw, kaguluhan, pagkabalisa at marahil ang kinatatakutang pagkawala sa sarili at ang pagkamatay ng mga nakaligtas sa trahedya.

Sa kabila nito, walang makakahinto sa bayanihang Pilipino, sa makatao at maka-Diyos na pag-uugaling itinuro pa ng ating mga ninuno. Ang pagdadamayan sa oras ng pangangailangan, ang pananampalataya at pananalig sa Diyos ang tanging takbuhan ng bawat Pilipino sa pagharap ng daan-daang trahedya ng bansa at ng buong sambayanan.

Kaugnay dito, ang Filipino community sa buong Italya ay lubos ang pasasalamat sa bansang Italya sa itinalagang tulong sa mga biktima na nagkakahalaga ng 1 million euros. Gayun din sa mahigit na P3 bilyon tulong mula sa 33 bansa at sa international organization para sa milyon-milyong biktima ni super typhoon Yolanda.

Gayunpaman, sa likod ng lahat ng ito, ang pagbabalik ng normal na daloy ng buhay sa mga lalawigang ito ay magtatagalan pa sapagkat ang kakailanganin ay malawakang rebuilding and rehabilitation assistance. Ito ang higit na hamon na sinisimulang paghandaan ng mga Pilipino sa Roma. Sama-samang pinaghahandaan, kabilang ang mga kabataan, ang isang malaking pagtitipon kung saan magiging kabahagi rin ang mga kaibigang Italyano. (Abangan po ang paglalathala ng pagtitipong ito)

Samantala, sa pakikiisa ng Unicef at WFP ay maaaring makapagbigay ng 1 euro donation dito sa Italya sa pamamagitan ng text message sa 45590 mula sa Wind, 3, Tim, Postemobile, Coopvoce at Noverca. 2 euros naman sa pamamagitan ng tawag sa landline buhat sa Telecom Italia, Infostrada, Fastweb at TWT. Ang serbisyo ay hanggang Nov. 26 po lamang.

Ang Embahada ng Pilipinas, sa pamamagitan ng kanilang website ay nagbibigay ng indikasyon kung paano ipararating ang mga donasyon:

National Disaster Risk Reduction and Management Center (NDRRMC) 

Account name: NDRRMC Donated Funds 

Account Numbers: 0435-021927-030 (Peso Account); 0435-021927-530 (Dollar

Account); Swift Code: DBPHPHMM Account #36002016

Address: Development Bank of the Philippines (DBP), Camp Aguinaldo Branch, PVAO

Compound, Camp Aguinaldo Quezon City, Philippines 1110

Contact Person: Ms. Rufina A. Pascual, Collecting Officer NDRRMC, Office of Civil

Defense, Camp Aguinaldo, Q.C.

Contact Nos. (632) 421-1920; 911-5061 up to 65 local 116

Email: This email address is being protected from spambots. You need JavaScript enabled to view it.; website: www.ndrrmc.gov.ph

Department of Social Welfare and Development (DSWD) 

Account No. 3124-0055-81

Bank branch address: Land Bank of the Philippines, Batasan, Quezon City Philippines

Contact Person: Ms. Fe Catalina Ea, Cash Division

Contact Nos. (632) 931-8101 local 226; cell phone (632) 918-628-1897

Website: www.dswd.gov.ph

Philippine Red Cross (PRC) www.redcross.org.ph; Tel. (632) 527-0000

Bank accounts for Donations

Banco De Oro

Peso: 00-453-0018647

Dollar: 10-453-0039482; Swift Code: BNORPHMM

Metrobank

Peso: 151-3-041631228

Dollar: 151-2-15100218-2; Swift Code: MBTCPHMM

Philippine National Bank

Peso: 3752 8350 0034

Dollar: 3752 8350 0042; Swift Code: PNBMPHMM

Unionbank of the Philippines

Peso: 1015 4000 0201

Dollar: 131540000090; Swift Code: UBPHPHMM

(PG)

Ang mga imigrante ng Kabisera  ay dapat pumili ng kanilang mga Kinatawan sa taong ito, ngunit wala pa ring bagong panuntunan. Godoy: “Kailangang gawin ito sa lalong madaling panahon at palalimin at palawakin ang role ng Consigliere Aggiunto”

Rome - 27 Set 2013 – Sino ang mga magiging boses bilang kinatawan ng mga imigrante sa administrasyon, na magsusulong ng mga panukala at mga hinaing ng higit sa 200,000 ng mga dayuhang residente ng lungsod? Mga katanungang nananatiling walang kasagutan, ngayong lumipas na ang deadline na itinakda ng Comune na pinamumunuan ni Ignazio Marino upang gawin ang bagong panuntunan nito.

Hanggang sa ngayon, ang mga Kinatawan o mga Konsehal o ang kilalang Consiglieri Aggiunti na inihalal mismo ng mga imigrante ay nananatili. Apat sa Kapitolyo (Comune) at mayroon namang 19 sa mga Munisipyo, walang karapatang bumoto ngunit maaaring lumahok sa mga konseho at komisyon, upang ipahayag ang opinyon, magsulong ng panukala at ng mga resolusyon .

Santo Padre, "Ang karapatan ng isang tao upang mangibang-bansa ay kinikilala bilang isang pangunahing karapatang pantao." Ang mga Kristiyano ay dapat na maging "mapagbigay, bukas-palad sa pagtanggap at matulungin", at huwag kalimutan na "maging si Hesus ay naging isang refugee rin".

Roma – Pebrero 25, 2013 -  "Ang sinumang umaalis sa sariling bansa ay naghahangad ng isang mas magandang kinabukasan, ito ay dahil na rin sa pananampalataya sa Diyos na gumagabay sa mga hangarin ng tao, tulad ni Abraham. Gayun din ang mga migrante, bilang tagapagtaguyod ng pananampalataya at pag-asa".

Mga salitang narinig sa St. Peter’s Basilica buhat kay Pope Benedict XVI kalagitnaan ng Enero, ilang linggo bago ang kanyang pagbibitiw bilang Ama ng Simbahang Katolika  na nakagitla sa buong mundo. Maging sa kanyang homiliya ukol sa Ebanghelyo sa pagdiriwang ng Araw ng Pasko, ay binigyang diin ng Papa ang “mahalagang pangaral ukol sa ating mga pananaw sa mga refugees, mga asylum-seekers,  mga migrante, habang “pinupuno ang ating mga sarili at hindi nagbibigay puwang sa iba”.

Ang pamahalaan ay higit na binalanse ang kanilang posisyon kaysa sa maabot ang tunay na layunin. At sa ngayon ay walang magagawa kundi ang maghintay muli para sa susunod na mas maayos na sanatoria o isa pang huwad na direct hire.

Nalulunod ka, humihingi ng tulong, mula sa isang bangka ay sumisigaw: “Huwag kang mag-alala, ililigtas ka namin”.  Ngunit ang inihagis ay isang maliit na salbabida at 100 talampakan ang layo. Marahil sa patuloy na pagkampas ay maaabot ito. Ngunit maaari ring hindi.

Ikaw ay nasa Italya at walang permit to stay, hindi regular (nero) ang iyong trabaho. Isang anunsyo mula sa pamahalaan: “Maaaring maging regular”. Subalit isang uri ng sanatoria ang naisip na puno ng balakid at nagkakahalaga ng napakalaki, nakasalalay sa mabuting hangarin ng employer at sa isang maganda o malas na kapalaran. Marahil ay ang makalusot ngunit mas malamang ang hindi. 

Si Jorge Mario Bergoglio ay isa sa mga napakaraming Italians mula sa Argentina. At ngayon ay naging isa sa mahalagang  ‘point of reference’ ng mga South Americans sa Italya, na nanguna sa pagbati sa bagong Santo Padre.

Roma – Marso 15, 2013 – “Obligasyon ng conclave na bigyan ng bishop ang Rome. Tila ang aking mga kapatid na kardinal ay nagtungo sa napakalayong lugar upang ako ay matagpuan….”, ito ang mga unang salita ni Jorge Mario Bergoglio sa libu-libong mga manananampalataya sa Vatican noong Miyerkules ng gabi. Ngunit sa katunayan, ang sa bagong Papa, ay ang pagbabalik sa Kanyang 'tahanan'.

Patuloy na tayong nilisan ng taong 2012 at ang naiwan ay pawang mga alaala na lamang ng lumipas na taon, kabilang ang mga mapapait na pinagdaanan ng ating lahi. Mga kaganapang kahit kailan ay di pa maubos-maisip ng marami sa atin. Kung ating matatandaan ang tinatawag na ‘baby gang’, mga kabataang nagpangkang gahasain ang isang dalagitang Italyana sa Pinetta Sacchetti , ang mga kabataang lasing na nambugbog sa isang Italyano noong Agosto; ang lumalalang isyu ng ‘shaboo’, ang Batangas operation, ang 13 na Pinoy na inaresto sa Roma; ang pagkakahatol sa pagpaslang ni Winston Reyes sa kondesa na si Alberica makalipas ang higit sa 20 taon, ang pagpaslang ng ating kababayan sa kanyang kasama sa apartment sa Roma, ang pagpaslang sa 34 anyos na si Anthony Edison Topacio, ang nagnakaw sa amo at nag-post sa facebook ng litrato na naging dahilan ng pagkakabuking nito sa Treviso. Hindi rin makakalimutan ang ating mga kababayan na naging biktima at nangangailangan ng katotohanan at katarungan hanggang sa kasalukuyan; si Nanay Doring na natagpuang bangka ilang linggo matapos mapabalita ang pagkawala, si Marcus na biktima ng mal sanità ng San Giovanni hospital, ang dalagang Pinay na tumalon ng bintana matapos ikulong ng amo at pagbintangang ng pagnanakaw. Ang ating mga kababayan na biktima ng kapwa Pilipino dahil sa flussi o sanatoria o ang nagsarang remettance center dala ang malaking halaga buhat sa ating mga kababayan at napakarami pang ibang kaganapan na tunay namang nakakadurog ng puso.

Isang tila mahiwagang katanungan ang iniwan sa atin ng taong lumipas: “Pinoy, saan ka patungo?”.

Kilala ang ating komunidad sa Italya bilang pinakamahal na komunidad ng mga Italyano dahil mapagkakatiwalaan, masisipag at tapat sa trabaho kahit ano pa man ang relihiyon at paniniwala. Pala-simba, matibay ang paniniwala at malaki ang takot sa Diyos. Ngunit naging ‘bida’ tayo sa mga pahayagan ng nakaraang taon.

Hindi pa huli ang lahat.. ang Bagong Taon ay may dalang bagong pag-asa. Huwag nating ipikit ang ating mga mata sa ating mga kapamilya, sa asawa’t anak o magulang, sa kasama sa apartment o sa community, sa grupo o asosasyon. Marahil, ay matutulungan natin sila sa simpleng paraan upang tahakin ang tamang landas, ang tamang patutunguhan.

Harapin natin ang 2013 ng may paniniwalang magiging instrumento tayong lahat upang maibalik ang tatak ng tunay na lahing Pinoy dito sa Italya; matiyaga, may pagmamahal sa kapwa at may takot sa Diyos.

Muli, buhat po sa bumubuo ng Ako Ay Pilipino at www.akoaypilipino.eu, isang buong pusong pasasalamat sa inyong patuloy na pagtitiwala at pagsubaybay sa ating pahayagan at website.

Mangyaring makipag-ugnayan lamang po sa This email address is being protected from spambots. You need JavaScript enabled to view it. para sa mahahalagang impormasyon at mga katanungan.

Ang naging karanasan ay malaki ang naiturong leksyon. Marami ang susubukang pagkakitaang muli ang pagnanais na magkaroon ng permit to stay. Kabilang ang mga pekeng Italian employer at mga kababayang intermediaries, ang mga "kliyente" dapat mag-ingat.

Roma - Hulyo 30, 2012 - Ang bagong regularization ay inaasahan ng daan-daang libong mga imigrante, ngunit kasabay nilang nagsasaya ang mga ‘manloloko’ na nagnanais na palobohin ang kanilang mga bulsa.

Hindi na kakailanganin pa ang ‘perlas na bilog’ upang kilalanin ang kanilang modus operandi, sapat ng balikan sa ating mga alaala ang mga pangyayari sa huling Sanatoria noong 2009. Ang mga modus operandi ay nagsimula bago pa man simulan ang pagsusumite ng mga aplikasyon, at maraming mga manloloko na nagbenta sa napakataas na halaga sa mga karaniwang walang pag-asang mga kababayan ng mga froms na nakukuha ng libre sa mga post offices at mga bangko.

Pagkatapos ay kung sasaliksiking mabuti, ay nasasayang ang pagkakataong ibinibigay ng mga employers na karaniwang Italians, sa tulong ng mga intermediaries na karaniwang ng dayuhan. Sa madaling salita: “Ang aplikasyon mo ay isu-submit ko, sa kasunduang babayaran mo rin ako”. Ang halaga? Ilang hundred euros, halagang, sa ilang mga pagkakataon, ay hindi naman nauuwi sa isang totoo at tunay na regularization dahil ang mga Sportello Unico ay sinusuri rin hindi lamang ang aplikasyon kundi pati ang mga employers na pinaghihinalaang nanloloko.

Ang mga pamamaraan ng panloloko ay iba't-iba. Mayroong mga tumatanggap ng pera, kahit na down payment lamang at marahil ay isang pekeng resibo lamang ang ibinabalik sa ‘kliyente’. Ang ilan naman ay sampu-sampu ang mga aplikasyon ngunit isa lamang ang tunay na maaaring matanggap, dahil sa kawalan ng sapat na requirements para sa lahat. Ang ilan naman ay gumagamit rin ng mga pekeng office at sinasabing doon dapat pirmahan ang sinasabing kontrata at iyon ang tanggapan ng Sportello Unico.

Para sa mga imigrante na nadala sa mga panlolokong ito ay walang ibang tsansang natitira. Walang sapat na requirement upang ma-regularize at ang paghahayag ng buong katotohanan sa mga awtoridad ay maaaring maging dahilan para sa isang madaliang expulsion. Samantala, ang mga natagpuan at binalikan ang mga intermediaries at pekeng employer ay ipinababalik ang kanilang mga pera ay nakatanggap ng mga pananakot : “Tatanggapin mo ito kung hindi ay maglaho ka na”.

Upang magkaroon ng ideya kung anu-ano ang mga scam at ang kanilang kahihinatnan ay maaaring basahin ang mga dokumentasyon ukol sa kaso noong 2009 na inilathala ng Naga, isang asosasyon sa Milan, na sa susunod na Martes, bukas ay magsasagawa ng isang pagpupulong upang balaang muli ang mga maaaring maging biktima ng bagong scam.

"Ang ikinatatakot namin ay maaaring nagsimula na ang mga panloloko at nais naming kumilos ngayon sa pagbibigay ng tamang mga impormasyon. Hindi ang katangahan ang dahilan nito kundi ang pagiging desperate at gagawin ang lahat upang maging regular at magkaroon ng permit to stay”, ayon kay Fabio Forfori, ang coordinator for legal consultation ng Nega.   

Ang naging karanasan, sa madaling salita, ay nagtuturo sa mga araw na ito na ang mga nagnanais bilhin ang regularization ay binabalaan. Mainam na lumayo sa mga nangangako ng ‘shortcuts’: maaaring mai-regularize sa tulong ng mga employer, na hanggang sa kasalukuyan ay irregular ang employement dahil sa kawalan ng permit to stay. At alalahaning ang 1,000 euros, bukod sa mga buwis at kontribusyon ay babayaran mismo ng mga employers.

Bilang pagwawakas, ay kailangang isipin na ang lalabas ilang linggo simula ngayon ang implementing rules and guidelines na magsasaad ng pamamaraan ng proseso ng pagpapadala ng aplikasyon, sahod ng employer at ilang importanteng aspeto kabilang ang mga dokumentasyong magpapatunay ng pananatili sa bansa ng Dic 31, 2011.

Mas mainam na hindi pagkatiwalaan ang mga nagsasabi ng higit kaysa sa kung ano ay nailathala sa Official Gazette . Lalo na kung mayroong kapalit na halaga ang mga tulong at impormasyong ibinibigay.

More Articles...

Page 2 of 4