Libangan - Ako Ay Filipino

 
Kamay ng orasa’y mabilis ang takbo
Parang hinahabol ang bawat segundo
Pati ang pag-ikot ng magulong mundo
Sing bilis ng ikot nitong ipo-ipo
 
Pagsikat ng araw sa dakong silangan
Hindi magtatagal at nasa kanluran
Lawak ng daigdig ginawang pasyalan
Labindalawang oras parang sandali lang

Sa mabilis na pagtakbo nitong kamay ng orasan

Ang bakasyon ay natapos nang hindi ko namalayan

Ang sandaling ginugol ko sa piling ng kaibigan

Ay sandaling hinding hindi magagawang kalimutan

 

Pagkatapos ng bakasyon pagkatapos ng dalawang buwan

Atin muling sisilipin ang naiwang eskwelahan

Ang kwaderno at ang lapis ay kukunin sa taguan

Ang maestro at maestra ay pamuling babalikan

Sa tabi ng dagat, hindi ng aming palayan,
Habang nakatingin sa laot nitong bayang dayuhan.
Bumabalik ,ala-ala ng iniwang mahal nating bayan.
Napatulala’t napailing sa nagbalik na mga nakaraan.
Oo, ang tinakasang malalang kahirapan at karahasan,
Nakita ko at nasaksihan sa mga magsasaka sa kabukiran.
 
Habang patuloy na nagbabalik sa ala-ala,
Mga pawisang mukha ng mga mangagawang dukha,
Pagdaka’y napatoon sa isang ibon aking mga mata,
Lumilipad, naglalaro sa hangin, tunay na napakalaya,
Napag-isip katayuan ng kalayaan sa ating bansa,
Sa loob-loob ay naitanong, “May kalayaan nga ba talaga?”
 
Malayo ang tanaw nang isang alon ang bumigla,
Muli, ako’y napalinga, napagtantong nag-iisa
Maliban sa mga ibong padaan-daan sa tuwina
Naramdamang  mga paa’y naabot ng tubig at nabasa,
Sa pagkagulat ay nasambit, naisigaw bigla.
“ Bayan ko! Perlas ng silangan, kumusta ka na?”
 
A, Bayan kong tinubuan, napakaunlad mo noong una,
Likas mong yama’y nakaka-inganyo sa iba’t ibang bansa,
Dahilan upang ika’y pag-agawan at pagnasaan nila,
Ngunit Bayan ko, ika’y ‘di  natakot, ‘di nangamba
Pagkat sadyang  lupa ka  ng mga bayaning mandirigma,
Mga tagapagtangol, may isang sigaw, “ Bayang ito’y ipaglalaban!”.
 
Ano itong lumilipad, napakalaki, umuusok na lata? 
A, nagising ako sa malalim na paggunita.
Iyun pala’y tulad ng sinakyan ko at ng marami pang iba.
Sa pangingibang bayan, kami ay napakarami na pala.
Mga anak ng bayang maharlika sa iba’t ibang bansa.
Mga kagalinga’t katalinuha’y iba ang nakikinabang at nagtatamasa.

Ang kwento pong ito ay kathang-isip lamang. Layuning magbigay-aliw at makapag-hatid ng mabuting aral sa mga mambabasa.

Ang kwento pong ito ay isang kathang-isip lamang at walang katotohanan. Layuning magbigay-aliw sa mga mambabasa at makapag-hatid ng mabuting aral.

ANG NAKARAAN : Walang nagawa si Sam kundi ang sumunod sa gusto ng kanyang Tiyo Narding na kapatid ng kanyang ina. Samantala, sa Italya ay hindi mapatid ang tuwa ya ni Mon.  Abot-abot ang kanyang pananabik sa pinaka-hihintay na  magandang balita  mula  sa Pilipinas. Kahit abala sa maraming trabaho ay nagawa pa rin niyang sagutin ang  hindi inaasahang tawag mula sa Pilipinas.

 “Talaga na sa akin na ang pangangalaga kay Sam? Si Diana, kamusta na siya?”, tarantang tanong ni Mon.

 “W-wala siya! Sinadyang itinago ang anak mong si Diana!”, malungkot na sagot naman ni Amy.

 “Hayaan mo na muna, ang mahalaga nasa atin na si Sam. Sa susunod na mga  araw na lang natin kukunin si Diana sa poder ng kanyang ina”, ang naging pansamantalang desisyon ni Mon.

Matapos maputol ang linya, bakas sa mukha ni Mon ang labis na kasiyahan dahil sa tagal ng panahon na nawalay sa piling niya ang dalawang bata. Nakaramdam siya  ng  labis na kalungkutan at pananabik  na mayakap ng mahigpit ang kanyang mga anak, sina Sam at  Diana. Pagkatapos nito ay ang pagtulo ng kanyang luha dahil sa pagkakahiwalay nila ni Rachael. Tandang-tanda pa ni Mon ang kanilang naging pagtatalo:

 “Bakit hindi mo dinala sa ospital si Sam. Nagsusuka at dumudumi ang bata. Kawawa naman ang bata!”, tanong ni Mon kay Rachel.

 “Bakit hindi ikaw ang magdala ng bata sa ospital?!”, matapang na sagot ni Rachel.

Tikman ang libreng Indomie MI GORENG. Paano? Sundin lamang ang sumusunod:

-          Mag-log on sa www.landocean.it

-          Ibigay lamang ang code na matatagpuan sa Ako Ay Pilipino newspaper sa pamamagitan ng e-mail at ang eksaktong address ng napiling ethnic store kung saan gustong matanggap ang 1 free Indomie MI GORENG

-          Hintayin ang kasagutan o confirmation sa pamamagitan ng email

-          Ibigay ng coupon, kung saan nakasulat ang code sa ethnic store na napili at kunin ang free Indomie MI GORENG

Magmadali! Ang promosyon ay hanggang March 31 lamang!!

 

INDOMIE

The Best Choice for Filipinos and International products

 

More Articles...