Libangan - Ako Ay Filipino

Apat na pwesto ang ibinaba ng Philippine Azkals sa FIFA ranking matapos mabigong makapasok sa finals ng Football Federation (AFF) Suzuki Cup kamakailan. Matatandaang natalo ng Singapore Lions ang Azkals sa semi-finals ng Suzuki Cup.

Bumaba sa ika-147 ngayon ang Philippine national football team mula sa ika-143 na pwesto na itinuturing na pinakamataas na narating ng grupo.

 Samantala, nasa ika-22 pwesto naman ang Azkals sa ranking sa Asya matapos ang mga bansang Singapore, Indonesia at Malaysia.

Muling lalaban ang Azkals sa susunod na taon sa qualification round ng AFC Challenge Cup.

Isang hindi malilimutang araw ang Dec 9 para sa mga Pilipino sa buong mundo, matapos mapatulog ni Marquez ang Pinoy ring icon eksaktong isang segundo na lang ang nalalabi sa sixth round para sa pagsasara ng ikaapat na pagkikita ng dalawa sa MGM Grand Arena na dinagsa ng 16,348 katao. 

Isang perpektong pagkakataon nang binitiwan ni Marquez ang isang perpektong suntok kay Pacman ang nagbura sa huling dalawang pagkatalo nito via decision laban kay Pacman noong 2008 at 2011 bukod sa tablang laban noong 2004.

Luz McClinton, ang kauna-unahang Pinay na nagwagi sa Pro Fame Figure World Championship sa United States noong 2010, ay inuwi rin ang korona ng World Bodybuilding and Fitness Federation (WBFF) Southwest U.S. Championship sa Oklahoma, USA kamakailan.

Si McClinton ay nagwagi ng WBFF Pro Card winner and Figure World Champion at tinalo pa ang health and fitness expert na si Ashley Horner.   

Muling magsasagupa sa isa pang 12 rounds sina Filipino ring icon Manny Pacquiao at Mexican legend Juan Manuel Marquez.

Roma, Setyembre 20, 2012 - Ito ang kinumpirma sa ginanap na press conference sa Beverly Hills, California, kung saan inihayag ang ikaapat na pagtatapat ng magkaribal sa Disyembre 8 (Disyembre 9 Manila time) sa MGM Grand Garden Arena sa Las Vegas.

Isa lamang diumano ang adhikain ng dalawa sa Part 4 - ang tapusin ang laban sa pamamagitan ng 'knockout', dahil kapwa sila naniniwalang knockout lamang ang magtatapos sa kanilang karibalan.

Parehong naghayag ng pagiging handa sa pinakahihintay na muling paghaharap sa12-round battle sina Manny Pacquiao at Juan Manuel Marquez sa MGM Grand Garden Arena sa darating na Sabado.

Matatandaang ang unang tatlong laban ay tunay na naging kontrobersyal.

Tabla ang laban noong 2004, kahit pa pinabagsak ni Pacquiao si Marquez ng tatlong beses sa unang round. Makalipas ang apat na taon, isang split decision ang nagpanalo sa Filipino icon. Taong 2011 naman, isang majority decision ang nagpanalo kay Pacman.

Dalawa sa pinakasikat na boxers ng Pilipinas ang binigyan ng parangal sa WBO 25th Convention sa Seminole Hard Rock & Casino. 

Oktubre 25, 2012 - Kabilang sina Pinoy ring icon Manny Pacquiao bilang 'WBO Fighter of the Decade' at si Nonito Donaire Jr. bilang  'Fighter of the Year', sa mga pinarangalan ng WBO executive committee kahapon.

Ibinigay kay Pacquiao ang pambihirang award dahil sa walong weight division title nito sa nakalipas na dekada.

Kinuha ni Pacquiao ang trono ng WBO welterweight title mula Nobyembre 2009 kung saan pinabagsak si Miguel Cotto ng Puerto Rico sa 12th round sa Las Vegas. Nawalalamang ito sa congressman noong Hunyo nang matalo sa kontrobersyal na split decision kay Timothy Bradley sa Las Vegas din.

altAng kontrobersyal na split-decision win ni Timothy Bradley laban kay Filipino ring icon Manny Pacquiao sa MGM Grand sa Las Vegas ay umabot na hanggang sa Senado ng U.S.A.

Sina Senator John McCain (isang Republican mula Arizona na nahilig din sa boksing habang nasa US Naval Academy), at Se­nate Majority Leader Harry Reid, (ng Nevada Democrat at dating middleweight boxer), ang mga nagnanais bumuo ng United States Boxing Commission.

More Articles...