Magandang balita para sa mga pamilyang may bagong silang na anak, nag-aantay ng kapanganakan o nag-ampon ngayong 2025: may nakalaang bonus na €1,000 mula sa gobyerno ng Italya. Ayon sa INPS Circular bilang 76 noong Abril 14, 2025, inilatag ang mga patakaran at paraan ng pag-aaplay para sa benepisyong ito.
Bonus Nuovi Nati 2025: Sino ang maaaring makatanggap?
Ang bonus ay maaaring i-claim ng mga ina o buntis na kababaihan na:
- May residency sa Italya
- Italians o Europeans
- Para sa mga non-EU citizens, kinakailangan ang isa sa mga sumusunod:
- May refugee status o subsidiary protection (ayon sa D.Lgs. 251/2007)
- May EU long-term residence permit (D.Lgs. 286/1998, Art. 9)
- May permesso unico di lavoro na may bisa ng higit sa 6 buwan
- May permesso per motivi di ricerca para sa pananatili ng higit sa 6 buwan
Bonus Nuovi Nati 2025: Kailan maaaring mag-apply?
Ang aplikasyon ay kailangang isumite sa loob ng 60 araw mula sa petsa ng kapanganakan, pag-aampon, o pre-adoptive foster care.
Mga kwalipikadong pangyayari:
- Kapanganakan ng sanggol
- Legal na pag-aampon (batay sa batas 184/1983)
- Preadoptive foster care, lokal man o internasyonal
Deadline: Maaaring mag-apply hanggang isang taon mula sa petsa ng kapanganakan o pag-aampon.
Tandaan: Sa ngayon, hindi pa aktibo ang online platform ng INPS para sa aplikasyon. Iaanunsyo pa ng INPS ang opisyal na petsa ng pagbubukas ng serbisyo.
Bonus Nuovi Nati 2025: Paano mag-apply?
Kapag aktibo na ang sistema, maaaring isumite ang aplikasyon sa pamamagitan ng:
- INPS website (www.inps.it)
- INPS Mobile App
- Contact Center Multicanale
803164 (mula sa landline)
06164164 (mula sa mobile) - Mga patronato (libreng tulong)
- Online gamit ang SPID, CIE, o CNS
Bonus Nuovi Nati 2025: Requirements
ISEE 2025
Upang makapag-apply, kailangang magsumite muna ng updated ISEE para sa 2025. Ang bonus ay ibinibigay lamang sa mga pamilyang may ISEE na mas mababa sa €40,000.
Sa pagsa-submit ng aplikasyon, kailangang ilakip ang sumusunod:
- Birth certificate ng bata;
- Kung buntis pa, meical certificate mula sa OB-Gyne o doktor;
- Valid ID o document ng magulang na nag-aapply;
- Kopya ng ISEE 2025;
- IBAN ng bangko kung saan ipapadala ang €1,000
Iba pang mahalagang impormasyon:
- Hindi ito taxable – hindi ito isasama sa kita para sa buwis (IRPEF)
- Maaaring isabay sa ibang tulong pinansyal, gaya ng Assegno Unico at Bonus Asilo Nido
Source: INPS
