Magsisimula bukas, December 1, ang registration para sa Lotteria degli Scontrini, sa pamamagitan ng website www.lotteriadegliscontrini.gov.it .
Ang lotteria degli scontrini ay isang pa-raffle ng gobyerno kung saan libreng makakasali ang lahat. Ito ay isang aksyon ng gobyerno upang labanan ang tax evasion at hikayatin ang konsumo gamit ang credit card o atm.
Ang Lotteria degli scontrini ay nauugnay sa bawat scontrino elettronico o resibo sa tuwing gagamitin ang credito card o bancomat.
Sa registration, gamit ang codice fiscale (sa seksyon ng ‘partecipa ora‘) ay bibigyan ng codice lotteria. Ito ay isang alphanumeric code na ipapakita sa cashier tuwing magbabayad gamit ang credit card o bancomat. Ang codice lotteria ay isasama sa resibo. At bawat resibo ay magkakaroon ng virtual ticket na magpapahintulot makalahok sa lotteria.
Magsisimula ang reffle sa January 1, 2021.
Para sa karagdagang impormasyon: www.lotteriadegliscontrini.gov.it .
