Nananawagan ang European Parliament sa mga Member States para sa salary increase ng mga mabababang sahod laban sa mataas na cost of living.
Ang mga bansa sa EU ay dapat na unti-unting taasan ang kanilang mga minimum wage scheme para sa mga taong walang sapat na mapagkukunan para sa isang standard na pamumuhay.”
Ito ang mababasa sa isang pahayag mula sa European Parliament.
Ito ang hinihingi ng European Parliament sa pamamagitan ng isang resolusyon ng Employment Commission na nagtutulak para sa isang direktiba ukol sa assessment ng minimum wage, upang harapin ang pagtaas ng mga presyo ng bilihin at ang pagtaas ng cost of living.
Matatandaang noong nakaraang taon ay nagkaroon ng isang kasunduan ukol sa pagpapatupad ng minimum wage. Sa ngayon, ang MEP ay nananawagan para itaas ang minimum wage upang makayanan ang pagtaas ng mga bilihin at harapin ang inflation. (PGA)
