Batay sa inaprubahang decreto legge Covid kamakailan, bukod sa palaging pagdadala ng mask at pagsusuot nito sa mga saradong lugar o indoors, ay mandatory na rin ang pagsusuot ng mask kahit sa outdoors o sa simulang may makakasalamuhang hindi kasama sa bahay o miymebro ng pamilya.
Ngunit kalian nga ba may pahintulot na hindi suot ang mask?
Ang pagsusuot ng mask ay hindi obligado kung malayo sa ibang tao, halimbawa kung nasa campagna o probinsya, sa sariling halamanan o taniman” paliwanag ni Usec Sandro Zampa ng Ministry of Health.
- Kung nasa loob ng sariling sasakyan kasama ang tinatawag na congiunti o sakay ng motor o bisikleta kung malayo sa ibang tao;
- Maaaring hindi isuot ang mask sa paglalakad sa gubat o bosco at sa mga isolated places;
- Ang mga runners, joggers at mga nagsasagawa ng sports sa open space tulad ng park o kalsada;
- Kahit ang mga nasa monopattini ay maaaring hindi magsuot ng mask ngunit obligado ang paggamit nito sa pagbaba mula sa monopattino;
OBLIGADO o mandatory ang pagsusuot ng mask sa mga saradong lugar o indoors tulad ng palestra o gym, sa loob ng sariling sasakyan kasama ang mga kaibigan. Ito ay OBLIGADO din sa kalsada kung saan maraming makakasalubong na naglalakad.
![mandatory mask Ako ay Pilipino](https://akoaypilipino.eu/wp-content/uploads/2020/10/mascherina-in-auto-1024x692.jpg)
Samakatwid, ang mask ay MANDATORY sa lahat ng lugar, indoors at ourdoors, kung saan makakatabi, makakasalubong o makakasalamuha ay ibang tao at hindi kasama sa bahay at hindi miymebro ng pamilya tulad ng kaibigan.
![](https://akoaypilipino.eu/wp-content/uploads/2020/10/treno-con-mascherina.jpg)
Upang maiwasan ang anumang parusa o multa, para sa lahat, isang OBLIGASYON ang pagdadala ng mask sa tuwing lalabas ng bahay. (PGA)